दिल्लीतील मुंडका इमारतीला शुक्रवारी भीषण आग लागली. या आगीत मृतांची संख्या 27 झाली आहे.सर्व मृतदेह बाहेर काढण्यात आले आहेत. तिसऱ्या मजल्याचा शोध घेणे बाकी आहे.

सर्व मृतदेह बाहेर काढण्यात आले आहेत. तिसऱ्या मजल्याचा शोध घेणे बाकी आहे.

या इमारतीत कोणी अडकला आहे का याचा शोध घेतला जात आहे.

दिल्लीतील मुंडका मेट्रो रेल्वे स्टेशन जवळ एक व्यावसायिक इमारत आहे. या इमारतीमध्ये अग्नितांडव पाहायला मिळालं. अनेक तासांच्या अथक प्रयत्नांनंतर ही आग आटोक्यत आली.

एनडीआरएफच्या पथकाकडून या ठिकाणी बचावकार्य करण्यात आलं. तब्बल 100 जणांचं पथक बचावकार्य करण्याच्या कामाला लागलंय. तर 27 गाड्यांच्या मदतीनं ही आग आटोक्यात आणण्यात आली.

मृतांच्या कुटुंबीयांना मदतही जाहीर करण्यात आली आहे. मृतांच्या नातेवाईकांना दोन लाख रुपयांची मदत तर जखमींना पन्नास हजार रुपयांची मदत जाहीर करण्यात आली.

आग कशामुळे लागली त्याची चौकशी सुरु आहे.