विधानसभा निवडणूक पुढच्या महिन्यावर आली आहे. यावर अनेक पक्षांनी आपल्या हालचालींना सुरुवात केली आहे. बैठकी तसेच अनेक चर्चांना उधान येताना दिसत आहे. अशातच सना मलिक उद्या उमेदवारी अर्ज दाखल करणार आहेत. सना मलिक अणुशक्ती नगरमधून रिंगणात उतरणार आहेत. राष्ट्रवादी काँग्रेसच्या युवती उपाध्यक्षा आणि प्रदेश प्रवक्त्या सना मलिक शेख या अणुशक्तीनगर विधानसभा मतदारसंघातून निवडणूक लढवत असून २३ ऑक्टोबर रोजी सकाळी ११ वाजता उमेदवारी अर्ज दाखल करणार आहेत.

अणुशक्तीनगर विधानसभा मतदारसंघ हा राष्ट्रवादी काँग्रेसचा बालेकिल्ला असून या मतदारसंघाचे माजी मंत्री नवाब मलिक यांनी नेतृत्व केले आहे. मतदारसंघावर मजबूत पकड असलेल्या नवाब मलिक यांनी हा मतदारसंघ मुलगी सना मलिक हिच्यासाठी सोडला आहे. वडिलांनी बांधलेला हा अभेद्य गड पुन्हा एकदा मजबूत करण्यासाठी सना मलिक या गेली पाच वर्षे काम करत असल्याचे समजते.