महेश महाले, नाशिक
विधानसभा निवडणुकीच्या पार्श्वभूमीवर राजकीय पक्ष तयारीला लागले असून अनेक बैठका होत आहेत. निवडणुकांच्या तारखा जाहीर झाल्या आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.
राजकीय वर्तुळात अनेक घडामोडी घडताना पाहायला मिळत आहे. समीर भुजबळ नांदगाव विधानसभा मतदार संघातून अपक्ष निवडणूक लढवणार असल्याची माहिती मिळत आहे. 28 ऑक्टोबरला समीर भुजबळ अपक्ष उमेदवारी अर्ज दाखल करण्याची शक्यता वर्तवण्यात येत आहे.
शिवसेना उद्धव बाळासाहेब ठाकरे पक्षाकडून गणेश धात्रक यांना मिळाली उमेदवारी आहे तर शिवसेनेकडून सुहास कांदे यांना उमेदवारी देण्यात आली आहे. नांदगाव विधानसभा मतदार संघात आता तिरंगी लढत होण्याची शक्यता आहे.