थोडक्यात

• राहुल गांधी आज नागपूर दौऱ्यावर

• नागपुरात संविधान संमेलनात हजेरी लावणार

• ओबीसी युवा मंचच्यावतीनं संमेलनाचं आयोजन

राहुल गांधी आज नागपूर दौऱ्यावर येणार आहेत. राहुल गांधी यांच्या प्रमुख उपस्थितीत नागपूरच्या रेशीमबागेत संविधान संमेलनाचे आयोजन करण्यात आले आहे. दुपारी 1 वाजता नागपुरात संविधान सन्मान संमेलनाला राहुल गांधी उपस्थित असतील.

यानंतर मुंबईच्या दिशेने रवाना होऊन बिकेसी येथील महाराष्ट्र स्वाभिमान सभेला ते उपस्थित राहणार आहेत. आज महाविकास आघाडीकडून प्रचाराचे रणशिंग फुंकण्यात येणार आहे.

या सभेला शरद पवार, उद्धव ठाकरे, मल्लिकार्जुन खरगे आणि महाविकास आघाडीतील नेते उपस्थित राहणार असून महाराष्ट्रातील जनतेसाठी लोककल्याणकारी घोषणांचा आज पाऊस पाडण्याची शक्यता वर्तवण्यात येत आहे.