थोडक्यात

• पंतप्रधान नरेंद्र मोदींच्या आज 2 ठिकाणी जाहीर सभा

• दुपारी 12 वाजता अकोला तर दुपारी 2 वाजता नांदेडमध्ये सभा

निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. याच पार्श्वभूमीवर आज दोन ठिकाणी पंतप्रधान नरेंद्र मोदी यांच्या जाहीर सभा होणार आहेत.

दुपारी 12 वाजता अकोला तर दुपारी 2 वाजता नांदेडमध्ये पंतप्रधान नरेंद्र मोदी यांच्या सभा होणार आहेत. नांदेड शहरातील मोदी ग्राउंडवर सभा होणार असून या सभेची जय्यत तयारी करण्यात आलीय. या मैदानावर भव्य मंडप उभारण्यात आला आहे. महायुतीच्या उमेदवारांसाठी मोदी प्रचाराच्या रिंगणात उतरल्याचे पाहायला मिळत आहे. या सभेची जय्यत तयारी करण्यात आली असून या सभेतून पंतप्रधान नरेंद्र मोदी काय बोलतात याकडे लक्ष लागले आहे.