थोडक्यात
पंतप्रधान नरेंद्र मोदी यांचा सोलापूर दौरा
भाजपकडून पंतप्रधान मोदींच्या दौऱ्याची जय्यत तयारी
सोलापुरमधील होम मैदानावर पंतप्रधान मोदींची जाहीर सभा
निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.
20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. याच पार्श्वभूमीवर पंतप्रधान नरेंद्र मोदी 12 नोव्हेंबरला सोलापूर दौऱ्यावर येणार आहेत.
सोलापूर भाजपकडून मोदींच्या दौऱ्याची जय्यत तयारी करण्यात आली असून सोलापुरातील होम मैदानावर पंतप्रधान मोदींची जाहीर सभा होणार आहे. या सभेतून ते काय बोलतात हे पाहणं महत्वाचे ठरणार आहे. सोलापूर जिल्ह्याच्या अकरा विधानसभा मतदारसंघाच्या उमेदवारांच्या प्रचारासाठी पंतप्रधान नरेंद्र मोदी सोलापुरात येणार आहेत.