थोडक्यात

• काँग्रेस नेते राहुल गांधी आणि प्रियंका गांधी आज महाराष्ट्र दौऱ्यावर

• राहुल गांधी यांची चंद्रपूर आणि अमरावतीत जाहीर सभा

• प्रियंका गांधी यांच्या 3 ठिकाणी जाहीर सभा

निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. याच पार्श्वभूमीवर आज काँग्रेस नेते राहुल गांधी आणि प्रियंका गांधी महाराष्ट्र दौऱ्यावर येणार आहेत.

राहुल गांधी यांची चंद्रपूर आणि अमरावतीमध्ये जाहीर सभा होणार असून प्रियंका गांधी यांच्या गडचिरोली, कोल्हापूर, अहिल्यानगर जिल्ह्यात जाहीर सभा होणार आहेत. या सभेतून राहुल गांधी आणि प्रियंका गांधी काय बोलतात हे पाहणं महत्वाचे ठरणार आहे.