शिवसेना शिंदे गटाची यादी जाहीर करण्यात आली. त्यामध्ये पालघर विधानसभा मतदारसंघातून राजेंद्र गावित यांना उमेदवारी देण्यात आली. त्यामुळे शिवसेनेचे विद्यमान आमदार श्रीनिवास वनगा यांना मोठा धक्का बसला. श्रीनिवास वनगा यांना उमेदवारी नाकारल्यानंतर वनगा यांना अश्रू अनावर झाले.
'विधान परिषदेला वनगांना संधी देणार', मुख्यमंत्री शिंदेंचा वनगा कुटुंबीयांशी संवाद
मुख्यमंत्री एकनाथ शिंदे यांनी श्रीनिवास वनगा यांच्याशी संवाद साधला आहे. विधान परिषदेला वनगांना संधी देणार असल्याचा मुख्यमंत्री शिंदेंनी शब्द दिल्याची वनगा यांच्या पत्नी यांनी माहिती दिली आहे. तसेच ठाकरेंच्या सेनेकडून वनगांना संपर्क साधण्याचा प्रयत्न ही करण्यात आला आहे.