थोडक्यात

• निवडणूक निकालाआधीच राज्यात सत्ता स्थापनेच्या हालचाली

• मविआ, महायुतीकडून सत्ता स्थापनेबाबत चाचपणी

• मविआच्या कालच्या बैठकीत सत्ता स्थापनेबाबत चर्चा झाल्याची माहिती

विधानसभा निवडणुकीचे मतदान पार पडले. आता 23 नोव्हेंबर उद्या विधानसभा निवडणुकीचा निकाल लागणार आहे. या निकालाकडे सर्वांचे लक्ष लागले असून कोणाचं सरकार सत्तेत येणार, याकडे सर्वांचे लक्ष लागले आहे.

याच पार्श्वभूमीवर आता निवडणूक निकालाआधीच राज्यात सत्ता स्थापनेच्या हालचाली सुरु झाल्या असल्याचे पाहायला मिळत आहेत. महाविकास आघाडी, महायुतीकडून सत्ता स्थापनेबाबत चाचपणी सुरु आहे.

काल गुरुवारी महाविकास आघाडीच्या नेत्यांची एक महत्त्वपूर्ण बैठक पार पडली. या बैठकीत सत्ता स्थापनेबाबत चर्चा झाली असल्याची शक्यता वर्तवण्यात येत असून निवडून येण्याची शक्यता असणाऱ्या अपक्ष उमेदवारांना संपर्क केला जात असल्याची देखील माहिती मिळत आहे.