थोडक्यात

• पुण्यात झळकले अजित पवारांचे बॅनर

• बॅनरवर अजित पवारांचा मुख्यमंत्री म्हणून उल्लेख

• 'विकासाचा वादा, अजितदादा', बॅनरवर आशय

विधानसभा निवडणुकीचे मतदान पार पडले. आता 23 नोव्हेंबर उद्या विधानसभा निवडणुकीचा निकाल लागणार आहे. या निकालाकडे सर्वांचे लक्ष लागले असून कोणाचं सरकार सत्तेत येणार, याकडे सर्वांचे लक्ष लागले आहे.

यासोबतच अजून एक चर्चा आहे ती म्हणजे मुख्यमंत्री कोणत्या पक्षाचा होणार आणि कोण होणार यावरही चर्चा रंगलेली पाहायला मिळत आहे. यावर राजकीय वर्तुळातून अनेक प्रतिक्रिया देखील येत आहेत.

याच पार्श्वभूमीवर आता पुण्यामध्ये निकालाआधीच अजित पवार यांचे भावी मुख्यमंत्री उल्लेख असलेलं बॅनर झळकले आहे. या बॅनरवर 'विकासाचा वादा, अजितदादा', असे लिहिण्यात आले आहे.