पुणे : कोथरुडमधून पोलिसांनी तीन दहशतवाद्यांना ताब्यात घेतले होते. यावेळी एका दहशतवाद्याने पळून जाण्याचा प्रयत्न केला असता पोलिसांनी थरारक पध्दतीने त्याला पकडले. या घटनेचा सीसीटीव्ही आता समोर आला आहे.
कोथरूड पोलिसांनी १८ जुलैच्या पहाटे या दहशतवाद्यांना पकडले होते. या दहशतवाद्यांची नावे मोहम्मद इम्रान खान, मोहम्मद युनूस साकी आणि शाहनवाज आहेत. यातील मोहम्मद युनूस साकी याने कोंढवा भागात पोलिसांना गुंगारा देत पळून जाण्याचा प्रयत्न केला होता. मात्र, बाला रफिक शेख या पोलिस अधिकाऱ्याने साकिला पकडून ठेवले.