मायानगरी मुंबईत छत्रपती शिवाजी महाराजांचं पहिले मंदिर उभारण्यात आलं आहे. आज या मंदिराचा लोकार्पण सोहळा पार पडणार आहे. खासदार पूनमताई महाजन यांच्या संकल्पनेतून मुंबईतील पहिले छत्रपती शिवाजी महाराज मंदिर तयार झाले असून उपमुख्यमंत्री देवेंद्र फडणवीस यांच्या हस्ते या मंदिराचा लोकार्पण सोहळा पार पडणार आहे. दोन दिवसांपूर्वी छत्रपती शिवाजी महाराज यांची जयंती मोठ्या उत्साहात संपूर्ण राज्यासह देशभरात साजरी करण्यात आली. विविध संकल्पना साधून अनेक कार्यक्रम शिवजयंतीला घेण्यात आली होती.