महाराष्ट्रातला आणखी एक प्रकल्प गुजरातला गेल्याची माहिती समोर येत आहे. सिंधुदुर्गात पाणबुडी प्रकल्प गुजरातला जात असल्यामुळे विरोधक आक्रमक झाले आहेत. यावरुन संजय राऊतांनी नारायण राणेंवर निशाणा साधला आहे. 'नारायण राणे नेहमी म्हणतात मी पंचवीस वर्ष शिवसेनेमध्ये होतो. मग त्यांनी तो मराठी बाणा दाखवावा आणि महाराष्ट्रातला एकही प्रकल्प मी गुजरातला जाऊ देणार नाही असे त्यांनी सांगावे, असे राऊतांनी म्हंटले आहे.