Viral Video : आपल्या सर्वांना माहित आहे की वाहतूक नियमांचे उल्लंघन करताना पोलीस चालान कापतात. मात्र, जेव्हा वाहनाचे चलन कापले जाते तेव्हा नक्कीच थोडे वाईट वाटते. पण पोलिसांचे चालान कापल्यानंतर कोणी पोलिसांच्या गाडीची नासधूस केली तर तुम्ही काय म्हणाल. ऐकून थोडं आश्चर्य वाटलं असेल पण तसं घडलं. चालान कापल्यानंतर एका व्यक्तीने संतप्त होऊन पोलिसांची गाडी फोडली. त्यांनी आपल्या बुलडोझरच्या सहाय्याने हे काम केले आहे. (police vehicle with bulldozer after challan see viral video)

पोलिसांचे चालान कापल्यानंतर तो व्यक्ती संतापला

हे संपूर्ण प्रकरण मलेशियाचे असल्याचे सांगितले जात आहे. येथील सबा येथे, चालान कापल्याच्या रागातून एका व्यक्तीने पोलिसांच्या गाडीवरच बुलडोझर चालवला, ज्यामुळे पोलिस व्हॅनची नासधूस झाली. कारण म्हणजे पोलिसांनी रस्ते वाहतूक विभागाच्या बुलडोझरचे चालान कापले. बुलडोझरच्या चालकाने सांगितले की, कोणतीही चूक न करता चालान कापले असून त्याने कोणताही नियम मोडला नाही.

पोलिसांनी हा व्हिडिओ फेसबुकवर शेअर केला आहे

बुलडोझर चालवणाऱ्या ६० वर्षीय व्यक्तीला राग आला आणि त्याने बुलडोझरसह पोलिसांची गाडी उलटून फोडली. यानंतर आरोपीला रॉयल मलेशिया पोलिसांच्या गुन्हे अन्वेषण विभागाने ताब्यात घेतले. या घटनेचा एक व्हिडिओ पोलिसांनी पुराव्यासाठी फेसबुकवर शेअर केला आहे. हा व्हिडिओ आता व्हायरल झाला आहे.

व्हायरल झालेल्या व्हिडीओमध्ये रस्त्याच्या कडेला बुलडोझर उभा आहे आणि त्याजवळ पोलिसांची गाडी उभी असल्याचे दिसत आहे. शेजारी उभ्या असलेल्या पोलिसांनी त्याला थांबवण्याचा प्रयत्न केला, मात्र त्याने पोलिस व्हॅनवर बुलडोझर चालवून ती उलटवली. वळताच वाहनाच्या मागच्या काचा फुटून आतमध्ये ठेवलेले सामानही बाहेर रस्त्यावर विखुरले. हा व्हिडिओ सोशल मीडियावर खूप बघायला मिळत आहे. या व्हिडिओवर सोशल मीडिया यूजर्सची वेगवेगळी मते आहेत.