पक्षात शरद पवारांचा गट आणि अजित पवारांचा गट अशी फूट पडली. त्यानंतर हा वाद निवडणूक आयोग आणि विधानसभा अध्यक्षांसमोर गेला. निवडणूक आयोगाने नुकताच निकाल देऊन अजित पवार यांना पक्षाचे अध्यक्ष असल्याचं जाहीर केलं. त्यानंतर आज विधानसभा अध्यक्षांनी निकाल दिला.
याच पार्श्वभूमीवर राष्ट्रवादी आमदार अपात्रतेच्या निकालानंतरची अमोल मिटकरी यांनी पहिली प्रतिक्रिया दिली आहे. खूप अभिमानाची आणि आनंदाची गोष्ट आहे हे आमच्या राष्ट्रवादी कॉंग्रेस पक्षाच्या प्रत्येक कार्यकर्त्यासाठी अभिमानाचा क्षण आहे. आदरणीय अजित दादाच्या नेतृत्वात निवडणूक आयोगाने काही दिवसांपूर्वी जो निकाल दिला होता पक्ष आणि पक्ष चिन्ह आलं आणि त्यानंतर आज माननीय विधानसभा अध्यक्षांनी जो निकाल वाचून दाखवला त्यामध्ये सर्व आमदार पात्र ठरवले गेले याचा मला अभिमान आहे आनंद आहे. आमच्या प्रत्येक राष्ट्रवादी कॉंग्रेस पक्षाच्या प्रत्येक कार्यकर्त्यांसाठी ही खूप महत्वाची बाब आहे. मी माननीय विधानसभा अध्यक्षांच मनापासून आभार मानतो. आदरणीय अजित दादांचसुद्धा या निमित्ताने आभार मानतो.