अंगणवाडी कर्मचाऱ्यांच्या आझाद मैदानावर महामोर्चा निघणार आहे. उद्धव ठाकरे माजी मुख्यमंत्री अंगणवाडी कर्मचाऱ्यांना पाठिंबा देण्यासाठी दुपारी दोन वाजता आझाद मैदानावर हजर राहतील. मातोश्रीवर जाऊन कर्मचाऱ्यांनी ठाकरेंची भेट घेतली होती. दरम्यान, अंगणवाडी सेविका, मदतनीस व मिनी अंगणवाडी सेविका या सर्वच संपात सहभागी झाल्याने राज्यातील सर्व अंगणवाडी केंद्र बंद आहेत. सलग महिनाभर सुरू असलेल्या या संपाकडे सरकार दुर्लक्ष करीत असल्याने अखेर अंगणवाडी सेविकांनी आज सावित्रीबाई फुले जयंतीदिनी आझाद मैदानावर बेमुदत ठिय्या धरणे आंदोलन करण्याचा निर्णय घेतला आहे.