साताऱ्याचे कवी मनाचे नेते आणि बिग बॉस फेम अभिजीत बिचुकले हे येत्या 19 एप्रिल रोजी आपला उमेदवारी अर्ज दाखल करणार आहेत. उदयनराजेंना संधी मिळाली आता जनतेने यावेळी मला संधी द्यावी असं अभिजीत बिचुकले म्हणाले आहेत. अभिजीत बिचुकले त्यांच्या वेगवेगळ्या चर्चेमुळे चर्चेत असतात. ते आता उदयनराजे भोसले यांच्याविरुद्ध निवडणूकीच्या रिंगणात उतरण्याची तयारी करताना दिसत आहेत.

19 एप्रिलला आपला उमेदवारी अर्ज दाखल करणार आहेत. अभिजीत बिचुकले म्हणाले की, मतदार राजा जागृत आहे आणि येत्या 19 एप्रिल ला मी अर्ज भरणार आहे. भाजपमध्ये उमेदवारी मिळावी ही उदयन दादांची इच्छा होती, ती पूर्ण झाली पण भाजपने छत्रपतींना किती सन्मान दिला याचे आत्मपरीक्षण उदयनराजेंनी करावे. आणि लोकांनी पण करावे.