पुणे : दरवर्षीप्रमाणे यंदाही श्रीमंत दगडूशेठ हलवाई गणपतीसमोर महिला सामूहिक अथर्वशीर्ष पठण करतायत..यंदा 31 हजार महिला अथर्वशीर्ष पठणात सामील झाल्यात. सकाळी सहा वाजता पठणाला सुरुवात झाली. टाळ्यांच्या गजरात महिलांनी मोरया-मोरयाचा गजर केला. महिलांनी शंखनाद केल्यानंतर ॐकाराचा जप आणि मुख्य अथर्वशीर्ष पठण करीत गणरायाला नमन केलं. हात उंचावून टाळ्यांचा गजर करीत महिलांनी गणरायाला अभिवादन केलं. पारंपरिक पेहरावातील महिलांनी पहाटेपासूनच अथर्वशीर्ष पठणासाठी उत्सव मंडपासमोर गर्दी केली होती. उत्सव मंडपापासून ते हुतात्मा चौकापर्यंतचा परिसर महिलांच्या शिस्तबद्ध रांगेने भरून गेला होता.