२२ मार्चपासून आयपीएलचा १७ वा सीझन सुरू होत आहे. पहिला सामना चेन्नईमध्ये गतविजेता चेन्नई सुपर किंग्ज आणि रॉयल चॅलेंजर्स बेंगळुरू यांच्यात होणार आहे. लोकसभा निवडणुकीमुळे या स्पर्धेतील केवळ पहिल्या २१ सामन्यांचे वेळापत्रक जाहीर करण्यात आले आहे. भारतीय संघाचा माजी क्रिकेटपटू आणि आपल्या स्पष्टवक्ते शैलीसाठी ओळखला जाणारा नवज्योत सिंग सिद्धू क्रिकेटमध्ये पुनरागमन करत आहे.
वास्तविक, सिद्धू आता आयपीएल २०२४ च्या सुरुवातीच्या सामन्यात कॉमेंट्री करताना दिसणार आहे. स्टार स्पोर्ट्सने आपल्या सोशल मीडिया अकाउंटवर पोस्ट शेअर केले आहे. पोस्टर शेअर करताना लिहिले होते, "कमेंटरी बॉक्सचे सरदार नवज्योत सिंग सिद्धू परत आले आहेत." सिद्धूची कॉमेंट्री आवडणाऱ्या क्रिकेट चाहत्यांसाठी ही बातमी खूप आनंददायी असेल. मात्र, सिद्दू कोणत्या भाषेत भाष्य करणार हे अद्याप स्पष्ट झालेले नाही. सिद्धू त्याच्या उत्कृष्ट कॉमेंट्रीसाठी ओळखला जातो.
माजी भारतीय क्रिकेटपटूचे अनेक प्रसिद्ध संवाद आहेत, जे तो अनेकदा कॉमेंट्री करताना बोलत असे. चाहते सिद्धूच्या कॉमेंट्रीला खूप मिस करत होते. पण आता त्याच्या पुनरागमनाने कॉमेंट्री बॉक्समध्ये नवी ऊर्जा पाहायला मिळणार आहे. नवज्योतसिंह सिद्धू यांनी आगामी लोकसभा निवडणूक लढवण्यास नकार दिला आहे. नवज्योतसिंह सिद्धू यांच्या या निर्णयामुळे आगामी काळात ते राजकारणात सक्रीय राहणार की नाही, हे पाहणं महत्वाचं ठरणार आहे.