आयपीएल 2024 ला 22 मार्चपासून सुरुवात होत आहे. खेळाडूंसोबतच क्रिकेटचे चाहतेही या स्पर्धेची वाट पाहत आहेत. दरम्यान, राजस्थान रॉयल्सने आयपीएल 2024 साठी आपली नवीन जर्सी लॉन्च केली आहे. विशेष म्हणजे ही नवीन जर्सी संघाचा स्टार फिरकी गोलंदाज युजवेंद्र चहलने डिझाईन केली आहे. राजस्थानने आपल्या एक्स अकाउंटवर एक व्हिडिओ शेअर केला आहे, ज्यामध्ये चहल नवीन जर्सी तयार करताना दिसत आहे. व्हिडिओमध्ये चहल ही जर्सी अतिशय अनोख्या अंदाजात सादर करताना दिसत आहे.
राजस्थान रॉयल्सने त्याच्या एक्स अकांऊटवर व्हिडिओ शेअर करून आयपीएल 2024 साठी आपली नवीन जर्सी लॉन्च केली आहे. व्हिडिओच्या सुरुवातीला चहल नवीन जर्सीसाठी विचार करताना दिसत आहे. आयपीएल 2024 मध्ये राजस्थान रॉयल्सची पहिली लढत लखनऊ सुपर जायंट्सशी होणार आहे. राजस्थान 24 मार्चला स्पर्धेतून आपल्या मोहिमेला सुरुवात करेल.
संजू सॅमसनच्या नेतृत्वाखालील राजस्थान रॉयल्सचा आयपीएल 2024 मध्ये पहिला सामना 24 मार्च रोजी होणार आहे आणि त्यांचा सामना केएल राहुलच्या नेतृत्वाखालील लखनऊ सुपर जायंट्सशी होईल. जयपूरच्या सवाई मानसिंग स्टेडियमवर खेळल्या जाणाऱ्या सामन्यात घरच्या मैदानावर विजय मिळवून स्पर्धेची सुरुवात करण्याकडे राजस्थानचे लक्ष असेल. आयपीएलच्या 2008 च्या सुरुवातीच्या हंगामापासून, राजस्थान संघ एकदाही ट्रॉफीवर कब्जा करू शकला नाही.