भारत आणि इंग्लंड सामना (INDvsENG) सुरू असताना काळजाचा ठोका चुकवणारे दृश्य दिसले. तीन एकदिवसीय सामन्यांच्या मालिकेला मंगळवारी सुरुवात झाली. या मालिकेतील पहिला एकदिवसीय सामना केनिंग्टन ओव्हलवर झाला. या सामन्यात रोहीत शर्माने अर्धशतक पूर्ण केलं आणि जसप्रीत बुमराहने सहा बळी घेतले. भारताने या सामन्यात इंग्लंडचा १० गडी राखून पराभव केला.

या सामन्याच्या दरम्यान असे काही घडले की, रोहीत शर्मा देखिल काळजीत पडला. फलंदाजी करत असताना रोहितच्या एका फटक्यामुळे प्रेक्षकांमध्ये बसलेली लहान मुलगी जखमी झाली. चेंडू लागताच ही मुलगी किंचाळू लागली. ही बाब लक्षात येताच मैदानाच्याकडेला उपस्थित असलेल्या इंग्लंड संघाच्या फिजिओने लगेचच त्या मुलीकडे धाव घेतली.

पहिल्या एकदिवसीय सामन्याच्या (INDvsENG) दुसर्‍या डावात भारताने फलंदाजी केली. इंग्लंडने दिलेले १११ धावांचे लक्ष पार करण्यासाठी कर्णधार रोहित शर्मा (Rohit Sharma ) आणि शिखर धवन (Shikhar Dhawan) यांनी भारतीय खेळाची सुरुवात चांगली केली.