लोकशाही मराठी' या मराठी न्यूज चॅनलतर्फे 'लोकशाही संवाद 2023' या विशेष कार्यक्रमाचे आयोजन करण्यात आले. आज गुरुवारी लोकशाही संवाद कार्यक्रम मुंबईतल्या यशवंतराव चव्हाण सेंटरमध्ये पार पडत आहे.

यावेळी राहुल नार्वेकर उपस्थित होते. त्यावेळी त्यांनी सांगितले की, जपानला एक अत्यंत यशस्वी दौरा पूर्ण करुन मी इकडे आलो आहे. माझा नियोजित दौरा हा 18 तारखेपर्यंतच होता. तिकडचे महत्वाचे कार्यक्रम पूर्ण करुन मी इकडचे महत्वाचे कार्यक्रम करण्यासाठी मी मुंबईला आलो.

यासोबतच ते पुढे म्हणाले की, संसदीय लोकशाहीत पडद्याआड जे घडते ते पडद्याबाहेर बोलता येत नाही. त्यामुळे सभागृहात जे घडत त्याबद्दल मी बोलू शकतो. महाराष्ट्रात वर्षभरातले वातावरण बघितलं तर मुख्यमंत्री, उपमुख्यमंत्री यांनी चांगले काम केलेले आहे. सर्व सदस्यांनी जबाबदारीपूर्ण काम केलेले आहे.