काँग्रेसचे शहर जिल्हाध्यक्ष पृथ्वीराज पाटील यांनी निवडणुकी प्रचारासाठी राबलेल्या काँग्रेस कार्यकर्त्यांसाठी श्रम परिहार म्हणून स्नेहभोजन आयोजित केलं होतं. या स्नेहभोजन सोहळ्याला काँग्रेसचे बंडखोर उमेदवार विशाल पाटील यांच्यासह काँग्रेस आमदार विश्वजीत कदम यांनी उपस्थिती लावली होती.
विशाल पाटील, आणि विश्वजीत कदम यांच्या उपस्थितीमुळे आता चर्चांना उधाण आलं आहे. चंद्रहार पाटील यांच्याऐवजी विशाल पाटील यांच्या उपस्थितीमुळे आता राजकीय वर्तुळात चर्चा रंगल्या आहेत.
विशाल पाटील यांनी स्नेहभोजनासाठी आलेल्या कार्यकर्त्यांचे आभार देखील मानले असल्याची माहिती मिळत आहे. त्यामुळे आता सांगलीत काँग्रेसचा पाठिंबा नक्की कुणाला होता? असा सवाल उपस्थित केला जात आहे.