देहरादून : उत्तराखंडमध्ये दिवाळीच्या दिवशी मोठी दुर्घटना घडली आहे. उत्तरकाशी येथे बोगद्याचा काही भाग कोसळला आहे. यात 30 ते 35 मजूर अडकल्याची माहिती समोर येत आहे. यासंदर्भात एनडीआरएफ आणि एसडीआरएफची टीम घटनास्थळी पोहोचली असून बचावकार्य युध्दपातळीवर सुरु आहे.

माहितीनुसार, उत्तरकाशीच्या सिल्कयार पोळ गावात बरकोटमध्ये नव्याने बोगदा बांधण्यात येत असतो. सकाळी काम करत असताना बोगद्याचा काही भाग कोसळू लागला. त्यात काम करणारे 30 ते 35 मजूर आणि इतर कर्मचारी आत अडकले होते. सध्या उपलब्ध असलेल्या माहितीनुसार सर्वजण सुरक्षित असल्याचे सांगण्यात येत असले तरी त्यांना लवकरात लवकर बाहेर काढण्याचे प्रयत्न सुरू आहेत. राज्य आपत्ती व्यवस्थापन टीम SDRF आणि राष्ट्रीय आपत्ती व्यवस्थापन टीम NDRF देखील घटनास्थळी पोहोचली आहे.

बोगद्याच्या आत काम करणाऱ्या मजुरांची संख्या रात्रीच्या वेळी नोंदवल्यानुसार सुमारे 174 असल्याचे सांगितले जात आहे. परंतु, ही संख्या यापेक्षा जास्त असू शकते. ही घटना पहाटे साडेपाच वाजता घडल्याचे बोलले जात आहे, मात्र उशिरा माहिती मिळाली. सध्या बोगद्यात अडकलेल्या कर्मचाऱ्यांची आणि मजुरांची संख्या 30 ते 35 असू शकते.