Uttarakhand Car Accident : देशात सध्या सगळीकडेच पावसानं थैमान घातलं असून, त्यामुळे अनेक दुर्घटना देखील घडत असल्याचं पाहायला मिळतंय. अशातच उत्तराखंडमध्ये एक मोठी घटना घडल्याचं समोर आलं आहे. नदीमध्ये कार वाहून गेल्यानं तब्बल ९ जणांचा मृत्यू झाल्याची माहिती समोर आली आहे. पंजाबमधील नऊ पर्यटक उत्तराखंडच्या रामनगरमधून प्रवास करत असताना पहाटेच्या वेळी त्यांची कार ढेला नदीत कोसळली, त्यानंतर पाण्याच्या प्रवाहामुळे कार वाहून गेल्याने सर्वजण बुडाल्याचं प्राथमिक माहितीमधून समोर आलं आहे. सर्व पर्यटक पटियाला येथे राहणारे असल्याची माहिती आहे.