वकील गुणरत्न सदावर्ते (adv. Gunratna Sadavarte) हे शरद पवारांच्या (Sharad Pawar) मुंबई येथील 'सिल्व्हर ओक' (Silver Oak ह्या निवासस्थानावर झालेल्या हल्ल्याप्रकरणी पोलिसांच्या ताब्यात असतानाच सातारा पोलिसांनी त्यांना ताब्यात घेतलं. त्यानंतर त्यांना 4 दिवसांची पोलीस कोठडी देण्यात आली. ती कोठडी आज संपणार आहे.

आता पुढे काय?

काल (17-04-2022) पोलिसांकडून सदावर्तेंची कसून चौकशी करण्यात आली. त्यानंतर त्यांच्या आवाजाचे नमुने घेऊन ते पुणे येथील फॉरेन्सिक लॅबला पाठवण्यात आले आहेत. तर आज त्यांना सातारा जिल्हा सत्र न्यायालयात हजर केले जाणार आहे. ह्यावेळी पोलीसांकडून न्यायालयाकडे आणखी दोन दिवस कोठडी मागण्याची शक्यता आहे. त्यामुळे, आज न्यायालयाकडून काय निर्णय येतोय ह्याकडे साऱ्यांचं लक्ष लागलं आहे.