कमला मिल कंपाऊंडमधील टाईम्स टॉवरला भीषण आग लागल्याची घटना घडली आहे. या आगीच्या धुरांचे लोट दहाव्या मजल्यापर्यंत गेले आहेत. काचेची बिल्डिंग असल्यामुळे आगीचा धूर आतमध्ये 10 मजल्यांपर्यंत गेलं आहे. धूर जाण्यासाठी बिल्डींगच्या काचा फोडण्यात येत असल्याची माहिती मिळत आहे.

सकाळी 6.30च्या सुमारास आग लागल्याची माहिती मिळत असून आग विझवण्यासाठी अग्निशमन दलाच्या सात ते आठ गाड्या दाखल झाल्या असून अग्निशमन दलाकडून आग विझवण्याचे काम सुरु आहे.

बिल्डिंगच्या काचा गरम झाल्यामुळे गळून पडत आहेत. आगीचे लोट वाढत चालले आहेत. अग्निशमन दलाच्या जवानांकडून काचा फोडल्या जात आहेत. आग कशामुळे लागली याचे कारण अजून समजू शकले नाही आहे.

आत मध्ये धूर पसरला असल्यामुळे अग्निशमन दलाचे जवान ऑक्सिजन सिलेंडर लावून बिल्डिंगमध्ये गेले आहेत. आतून बिल्डिंगची पाहणी आणि सर्च ऑपरेशन करण्यात येत असल्याची माहिती मिळत आहे.