माझी लढाई ही दिल्लीच्या तक्ता विरोधात लढाई आहे. कारण दिल्लीच्या तक्त हा महाराष्ट्राचे सातत्याने अपमान करतो. त्या तक्ताच्या विरोधात माझी लढाई आहे. दिल्लीत एक अदृश्य शक्ती आहे. त्याच्या विरोधात ही लढाई आहे. असे वक्तव्य सुप्रिया सुळे यांनी केले आहे. त्या सांगलीच्या पलूस तालुक्यातील औदुंबर येथे विश्वजीत कदम यांच्या प्रचार समारंभा प्रसंगी बोलत होत्या.
सांगली पलूस तालुक्यातील औदुंबर येथे विश्वजीत कदम यांनी आपल्या प्रचाराचा शुभारंभ केला. या प्रचार शुभारंभ वेळी सुप्रिया सुळे, जयंत पाटील, प्रणिती शिंदे आदी मान्यवर उपस्थित होते. यावेळी सुप्रिया सुळे यांनी दिल्लीच्या तक्त्यावरून भाष्य केले. दिल्लीचा तक्ता हा वारंवार महाराष्ट्राचा अपमान करत आहे. त्या दिल्लीच्या तक्ता विरोधात माझी लढाई असल्याचे त्यांनी यावेळी सांगितले.