समृद्धी मार्गावरील अपघाताचं सत्र काही केल्या कमी होत नाही. मंगळवारी संध्याकाळी गौरी गणपतीसाठी पुण्याहून अमरावतीला जाणाऱ्या कारचा वन्यप्राण्याला धडकून भीषण अपघात झाला. या अपघातात एकाचा जागीच मृत्यू झाला. तर तीन जण गंभीर जखमी झाले आहे.
पुण्याहून अमरावतीला जाणाऱ्या दुरतकर कुटुंबीय गौरी गणपतीसाठी पुण्याहून अमरावतीला जात असतांनाच अचानक वन्यप्राणी रस्त्यावरील कठडे ओलांडून आले. अचानक समोर आलेल्या प्राण्यांमुळे हा भीषण अपघात झाला आहे. जखमींवर रुग्णालयात उपचार सुरू आहेत. अपघात झाल्यानंतर तातडीने बचाव कार्य सुरू करण्यात आले. तातडीने त्यांना उपचारासाठी रुग्णालयात दाखल करण्यात आलं. वाशिम जिल्ह्यातील वनोजा कारंजा दरम्यानच्या चॅनल क्रमांक 196 जवळ हा भीषण अपघात झाला.
समृद्धी महामार्गावर वन्य प्राण्यांचा वावर अनेक वेळा दिसून आले. महामार्गावर वावर असलेले प्राणी अपघाताला कारणीभूत ठरत आहेत.