पनवेल : पनवेलमध्ये झालेल्या एका भांडणाचा व्हिडिओ (Viral Video) सध्या सोशल मीडियावर व्हायरल झाला आहे. या व्हिडिओमध्ये दोन तरुणांनी एकावर जीवघेणा हल्ला केल्याचं दिसतं आहे. पनवेल जवळील सुकापूर कंडपीळे पेट्रोल पंपावर ही घटना घडली आहे. पनवेल-माथेरान रोडवर रीटघर गावाजवळ दोन गटात पूर्व वैमनस्यातून ही हाणामारी झाली. त्यातूनही दोन तरुणांचे समाधान झाले नाही. सुडाने पेटलेल्या त्या दोघांनी सुखापुर गावाजवळील कंडपीळे पेट्रोल पंपाजवळ त्या तरुणाला पुन्हा गाठले. संदीप डांगरकर असं हल्ला करण्यात आलेल्या तरुणाचे नाव असून तो पनवेल जवळील उसरली गावाचा रहिवासी आहे.
सीसीटीव्ही फुटेजमध्ये दिसत असलेल्या दृश्यांमध्ये संदीप डांगरकर या तरुणावर हल्ला झाल्याचं दिसतंय. तर हल्लेखोर हे रिटघर गावातील रहीवासी असल्याचं संजतंय. दुपारी तीन वाजेच्या सुमारास ही घटना घडली घटना आहे. या संपुर्ण मारहाणीची घटना CCTV कॅमेरात कैद झाली आहे.
संदीप डांगरकर हा तरुण आपल्या गाडीमध्ये पेट्रोल भरत असताना लाठ्या घेऊन पुन्हा आले आणि त्या तरुणाला लाठ्या तुटेपर्यंत बेदम मारहाण करण्यात आली. घायाळ झालेला तो तरुण पेट्रोल पंपावरील जमिनीवर निपचित पडला. अखेर HP पेट्रोल पंपावरील कर्मचाऱ्यांनी त्या तरुणाला संरक्षण दिले, अन्यथा त्याचा जागीच मृत्यू झाला असता इतकी भयानक परिस्थिती CCTV फुटेज पाहिल्यानंतर लक्षात येते. याबाबत खान्देश्वर पोलीस स्टेशन मध्ये तक्रार करण्यात आली मात्र या अद्याप हल्लेखोर मोकाट आहेत.