Balochistan Flood : बलुचिस्तानमध्ये सात धरणे फुटली असून 127 लोकांचा मृत्यू झाला आहे. पाकिस्तानमध्ये आलेल्या पुरामुळे 300 हून अधिक लोकांना आपला जीव गमवावा लागला आहे. पुरामुळे लोकांना खूप अडचणींचा सामना करावा लागत आहे. बलुचिस्तानमधील पुरामुळे रस्त्यावर पाणी साचले आहे, घरे उद्ध्वस्त झाली आहेत. त्यामुळे जनतेचेही आर्थिक नुकसान झाले असून ते कमी करण्यासाठी अनेकजण उरलेल्या वस्तू घेण्यासाठी घराजवळ पोहोचत आहेत. अचानक आलेल्या या पुरामुळे हेलिकॉप्टर आणि बोटींच्या मदतीने बचावकार्य सुरू आहे. (pakistan flood heavy rains in balochistan 127 people died)

पाकिस्तान एआरवाय न्यूजच्या वृत्तानुसार, इंटर सर्व्हिसेस पब्लिक रिलेशन्सने सांगितले की सैन्य बचाव कार्य, वैद्यकीय शिबिरे उभारणे आणि खराब झालेल्या दळणवळण सेवा दुरुस्त करण्यात गुंतले आहे. यासोबतच तयार केलेले अन्नही लोकांना दिले जात आहे.

पुरामुळे किती नुकसान झाले?

एआरवाय न्यूजने पीडीएमएचने म्हटले आहे की, बलुचिस्तानमधील सात धरणे फुटली आणि पूर आला. बलुचिस्तानमध्येच पुरामुळे १२७ लोकांचा मृत्यू झाला आहे. संपूर्ण पाकिस्तानमध्ये 300 हून अधिक लोकांना आपला जीव गमवावा लागला आहे. पूल आणि महामार्गाचे मोठ्या प्रमाणात नुकसान झाल्याने वाहतूक व्यवस्थेवरही परिणाम झाला आहे.

काय म्हणाले पाकिस्तानचे पंतप्रधान शाहबाज शरीफ?

पाकिस्तानचे पंतप्रधान शाहबाज शरीफ यांनी शनिवारी पूरग्रस्त बलुचिस्तानला भेट दिली. याबाबत माहिती देताना पंतप्रधान शाहबाद शरीफ यांनी ट्विट करून नुकसान भरपाईची घोषणा केली. पुरात प्राण गमावलेल्यांच्या कुटुंबाला 10 लाख रुपये दिले जात आहेत आणि विस्थापित लोकांसाठी आर्थिक मदत वाढवत आहेत.