केंद्रीय रस्ते वाहतूक आणि महामार्ग मंत्री नितीन गडकरी यांच्या संकल्पनेतून निर्माण करण्यात आलेल्या 'ऑक्सिजन बर्ड पार्क'चा आज लोकार्पण सोहळा आहे. नागपूर-हैदराबाद राष्ट्रीय महामार्गावर जामठा नजीक 20 एकरात 14 कोटी रुपये खर्चून हा पार्क निर्माण करण्यात आला असल्याची माहिती मिळत आहे.

यामध्ये उद्यानात फूड कोर्ट, वॉचटॉवर, मुलांसाठी विशेष क्रीडाक्षेत्र, जॉगिंग, सायकलिंग यासह इतर सुविधा असणार आहेत.

यासोबतच 8 हजार 104 प्रकारच्या वनस्पतीसह आंबा, पेरू, अंजीर, जांभूळ, चिंच, अशा विशिष्ट प्रकारच्या फळझाडांची लागवड करण्यात आली असून पक्ष्यांच्या विविध प्रजातीसाठी हा परिसर आश्रयस्थान ठरणार आहे.

केंद्रीय मंत्री नितीन गडकरी आणि उपमुख्यमंत्री देवेंद्र फडणवीस यांच्या उपस्थितीत या ऑक्सिजन बर्ड पार्कचे उदघाटन होणार आहे.