नवी दिल्ली : नेपाळचे खासगी तारा एअरलाईनचे (Tara Airline) एक विमान बेपत्ता झाल्याची माहिती समोर येत आहे. यामध्ये 22 प्रवासी प्रवास करत असून यात 4 भारतीयांचा समावेश आहे. याप्रकरणी शोधमोहिम हाती घेण्यात आली आहे.

माहितीनुसार, नेपाळचे तारा एअर 9 एनएईटी (NAET) 'ट्विन-इंजिन विमान' विमानाने 22 प्रवाशांसह पोखराहून जोमसोमला जाण्यासाठी सकाळी 9:55 वाजता उड्डाण केले होते. परंतु, या विमानाचा कंट्रोल रुमशी संपर्क तुटला. हे विमान सर्वात शेवटी मुस्तांगमधील जोमसोमच्या आकाशात दिसले. नंतर ते माउंट धौलागिरीकडे वळले व बेपत्ता झाले.

या विमानातील 22 प्रवाशांमध्ये 4 भारतीय, 3 जपान आणि बाकी सर्व नेपाळी नागरीक आहेत. तर विमानात 3 क्रू मेंवरचा समावेश होता. या विमानाचा दोन खासगी हेलिकॉप्टर व नेपाळचे सैन्य विमाने युध्द पातळीवर शोध घेत आहेत. दरम्यान, विमान कोसळल्याची शक्यता वर्तविण्यात येत आहे.