शनिवारी मराठा आंदोलक मनोज जरांगे पाटील यांची अंतरवली सराटी गावात विराट सभा पार पडली. या सभेदरम्यान एका मराठा बांधवाचा मृत्यू झाल्याची घटना समोर आली आहे.
मनोज जरांगे याच्या सभेसाठी आलेल्या मराठा बांधवाचा उष्माघाताने मृत्यू झाला आहे. विलास पवार असं मृत्युमुखी पडलेल्या समाजबांधवाचं नाव आहे. जरांगे पाटलांच्या सभेसाठी लाखोंचा जनसमुदाय अंतरवाली सराटी येथे दाखल झाला होता आणि हीच सभा ऐकण्याकरिता विलास पवार देखील गेले होते. मात्र या दरम्यान त्यांचा मृत्यू झाला. उष्माघाताने पवार यांचा मृत्यू झाल्याची प्राथमिक माहिती समोर आलीय.
आज गेवराई येथील चिंतेश्वर स्मशानभूमीत त्यांच्यावर अंत्यसंस्कार करण्यात आले. यावेळी मनोज जरांगे देखील अंत्यसंस्कारासाठी उपस्थित होते. पवार यांच्या कुटुंबियांना मराठा समाज उघड्यावर पडू देणार नाही. असं जरांगे पाटील यांनी यावेळी म्हटले आहे.