राष्ट्रवादी शरद पवार गटाला सर्वात मोठा धक्का बसला आहे. राष्ट्रवादीचं घड्याळ पक्ष, चिन्ह अजित पवार गटाला मिळालं आहे. राष्ट्रवादी काँग्रेस पक्ष अजित पवारांचा की शरद पवारांचा यावर निवडणूक आयोगामध्ये सुनावणी झाली.
केंद्रीय निवडणूक आयोगाने पक्ष आणि चिन्हाबाबत अजित पवार गटाच्या बाजूने निकाल दिला आहे. राष्ट्रवादीचं घड्याळ पक्ष, चिन्ह अजित पवार गटाला मिळालं आहे. याच पार्श्वभूमीवर राजकीय वर्तुळातून अनेक प्रतिक्रिया येत आहेत.
यावर अजित पवार यांनी प्रतिक्रिया दिली आहे. अजित पवार म्हणाले की, लोकशाहीत बहुमताला प्राधान्य आहे. निवडणूक आयोगाचा निर्णय विनम्रपणे स्विकारतो. निवडणूक आयोगाने आमची बाजू खरी मानली. आम्हीही मराठीच मग पक्ष पळवायचा प्रश्न येतो तरी कुठे? कोण काय बोलतं त्यावर मी उत्तर देणार नाही. असे अजित पवार म्हणाले.