मुंबई : ज्येष्ठ अभिनेते धर्मेंद्र (Dharmendra) यांच्या प्रकृतीबद्दल अफवा पसरल्या आहेत. त्यांना मुंबईतील ब्रीच कँडी रुग्णालयात दाखल करण्यात आलं असून त्यांची प्रकृती चिंताजनक असल्याची चर्चा सुरु झाली होती. मात्र त्यानंतर काही वेळातच बॉबी देओलने धर्मेंद्र हे रुग्णालयात दाखल झाल्याचं वृत्त चुकीचं असल्याचं म्हटलं. त्यानंतर आता धर्मेंद्र यांनी स्वतः एक व्हिडिओ पोस्ट केला आहे. धरम पाजी सोशल मीडियावर चांगलेच सक्रिय असतात. चाहत्यांची चिंता दूर करत धर्मेंद्र यांनी चिंता न करण्याचा सल्ला दिला आहे.

गेल्या महिन्यात रुग्णालयात दाखल

गेल्या मे महिन्यात धर्मेंद्र यांची प्रकृती खालावली होती. 'अपने 2' चित्रपटाच्या शूटिंगदरम्यान ते जखमी झाले होते. यानंतर त्यांना ब्रीच कँडी रुग्णालयात दाखल करण्यात आलं होतं. डिस्चार्ज मिळाल्यानंतर धर्मेंद्र यांनी सोशल मीडिया पोस्टद्वारे आपल्या प्रकृतीची माहिती दिली होती.