पिंपरी- चिंचवड: राज्यातील विविध शहरांची नावे बदलण्यात आली आणि त्यावरुन अनेक वाद निर्माण झाले आहे. औरंगाबाद आणि नगरचं नामांतर झाल्यानंतर आता पिंपरी चिंचवडच्या नामांतराची मागणी केली जात आहे. पुण्यश्लोक अहिल्यादेवी होळकर यांच्या जयंतीनिमित्ताने चौंडी येथे कार्यक्रमाचं आयोजन करण्यात आलं होतं. या कार्यक्रमाला मुख्यमंत्री एकनाथ शिंदे यांनी संबोधित केलं.
भक्ती-शक्ती प्रतिष्ठानकडून पिंपरी चिंचवड शहराचे नावही बदलण्याची मागणी करण्यात येत आहे. पिंपरी चिंचवडचे ‘जिजाऊ नगर’ हे नाव करण्याची मागणी करणारे फ्लेक्स लावण्यात आले आहेत. शहराच्या विविध भागात फ्लेक्स लावत भक्ती शक्ती प्रतिष्ठाणने ही मागणी केली आहे.