विधानसभा निवडणुकीसाठी अनेक राजकीय पक्ष तयारीला लागले आहेत. याच पार्श्वभूमीवर अनेक दौरे, बैठका घेण्यात येत आहेत. यातच आता काँग्रेस नेते राहुल गांधी आजपासून दोन दिवस कोल्हापूर दौऱ्यावर येणार आहेत.

4 व 5 तारखेला राहुल गांधी कोल्हापूर दौऱ्यावर येत आहेत. खासदार राहुल गांधी यांच्या हस्ते 4 ऑक्टोबर रोजी सायंकाळी 6 वाजता कसबा बावडा येथील छत्रपती शिवाजी महाराज यांच्या पूर्णाकृती पुतळ्याचा भव्य अनावरण सोहळा होणार आहे.

यासोबतच 5 ऑक्टोबर रोजी खासदार राहुल गांधी हे राजर्षी छत्रपती शाहू महाराज यांच्या समाधीस्थळी भेट देऊन अभिवादन करणार आहेत.

त्यानंतर हॉटेल सयाजी येथे होणाऱ्या संविधान सन्मान संमेलनाला ते उपस्थित राहणार असल्याची माहिती मिळत आहे. यावेळी राहुल गांधी काय बोलणार हे पाहणं महत्वाचे ठरणार आहे