मुंबईत आज बर्‍याच ठिकाणी 140 ते 150 मिमी दरम्यान पाऊस झाला असून, हा पाऊस अतिमुसळधार पावसाच्या श्रेणीमध्ये येतो. त्यामुळे खबरदारी घेणं अत्यंत गरजेतचं आहे असं हवामान विभागाचे अधिकारी होसळीकर यांनी सांगितलं आहे. मुंबईला अत्यंत मुसळधार पावसाचा इशारा (200 मिमी पेक्षा जास्त) देण्यात आल्याचं देखील त्यांनी सांगितला.
मुंबई अपडेट्स : मुंबई आणि महाराष्ट्रातील इतर भागात मुसळधार पावसामुळे, घाटकोपर, मुंबईच्या उपनगरीय भागांत तसंच, रत्नागिरी जिल्ह्यातील चिपळूणमध्ये किमान दोन ठिकाणी भूस्खलनाच्या घटना घडल्या आहेत. एएनआयने दिलेल्या वृत्तानुसार, घाटोकपरच्या पंचशील नगरमध्ये आज सकाळी भूस्खलन झाल्याची माहिती मिळाली आहे. बचावकार्यासाठी अग्निशमन विभागाच्या गाड्या घटनास्थळी पोहोचल्याचं अग्निशमन विभागाने सांगितलं आहे. आतापर्यंत कोणतीही जीवितहानी झाल्याचं वृत्त नाही. सोशल मीडियावर शेअर करण्यात आलेल्या व्हिडिओमध्ये मुसळधार पावसामुळे भूस्खलनामुळे घराचं नुकसान झालेलं दिसतंय. घराची भिंत कोसळल्यानंतर रहिवासी ढिगाऱ्याखाली घरातील साहित्याचा शोध घेताना दिसत आहेत.
संपूर्ण महाराष्ट्राचे लक्ष यंदा कोयना धरणाकडे लागलेले असताना पावसाने जून महिना ओलांडला तरी देखील पावसाने उघडीकता घेतल्यामुळे सर्वांच्या चिंता वाढत होत्या अशात पाच दिवसापासून सुरू झालेल्या मुसळधार पावसामुळे शेती सिंचनाचा प्रश्न तसेच वीज निर्मितीचा प्रश्न यासाठी हे चांगले संकेत मानले जात आहेत. कोयना धरणात 2 टीएमसी ने पाणी साठ्यात वाढ झालेली असून गेल्या चोविस तासात महाबळेश्वरमध्ये 129 मिलिमीटर पाऊसाची नोंद तर नवजामध्ये 118 मिलिमीटर तर कोयनेत 74 मिलिमीटर पाऊसाची नोंद झालेली आहे. कोयना धरणात प्रतिसेकंद 14 हजार क्युसेक्सने पाण्याची आवक वाढली आहे.
सोमवार रात्रीपासून मुंबईत पावसाने दमदार हजेरी लावली आहे. मागील काही तासांपासून कोसळत असलेल्या पावसांमुळे मुंबईतील विविध ठिकाणच्या सखल भागात पाणी साचलं आहे. यामुळे वाहतुकीवर परिणाम झाला असून वाहतूक कोंडी निर्माण झाल्याचे चित्र आहे. तर, लोकल रेल्वे वाहतूक धीम्या गतीने सुरू आहे.
मुसळधार पावसामुळे मुंबईतील अनेक भाग जलमय झाले आहेत. रस्त्यांवर मोठ्या प्रमाणात पाणी साचले आहे. दरम्यान, भारतीय हवामान खात्याने शुक्रवारपर्यंत ऑरेंज अलर्ट जारी केला आहे. मुसळधार पावसामुळे पनवेलच्या खांदेश्वर स्टेशन परिसरात पाणी तुंबले आहे. मुंबईतील अंधेरी, सायन, चेंबूर आणि कुर्ला येथील काही भागात जोरदार पाणी साचल आहे.
मंगळवारी सकाळपासून मुंबईतील अनेक भागात अधूनमधून पाऊस पडत आहे, त्यामुळे पाणी साचण्याची परिस्थिती निर्माण होऊ शकते, हे चित्र मुंबईतील वांद्रे सायन टी जंक्शनजवळचे आहे, जिथे मुसळधार पावसानंतर पाणी साचले आहे,