राज्यात काही ठिकाणी अवकाळी पावसाने हजेरी लावली. मुंबईत जोरदार पावसाने हजेरी लावली. अचानक आलेल्या पावसामुळे जनजीवन विस्कळीत झालं. वादळी वाऱ्यासह मुसळधार पाऊस कोसळल्यानं घाटकोपरमध्ये हायवेजवळ असलेल्या पेट्रोलपंपावरील महाकाय होर्डिंग्ज कोसळलं.
या घटनेत मृतांचा आकडा 14वर पोहचला असून 43 जणांवर वेगवेगळ्या हॉस्पिटलमध्ये उपचार सुरू आहे. यातच आता बीएमसी घाटकोपरमधील होर्डिंगवर कारवाई करणार असल्याची माहिती मिळत आहे.
दुर्घटनास्थळावरील उर्वरित 3 होर्डिंग हटवण्यात येणार आहेत. पडलेल्या होर्डिंगसह या परिसरात अजून तीन होर्डिंग अनधिकृत असल्याचं सांगत कारवाई करण्यात येणार असल्याची माहिती मिळत आहे.