लोकसभा निवडणुकीचे बिगुल वाजल्यापासून भारतीय जनता पक्षाने उमेदवारांची घोषणा सुरु केलीय. भाजपने २० उमेदवारांची पहिली यादी १३ मार्चला जाहीर केली होती. दरम्यान, भाजपने आता राज्यातील तीन उमेदवारांची नावं घोषित केली आहेत. सोलापूर लोकसभा मतदार संघातून राम सातपुते, गडचिरोली-चिमूर लोकसभा मतदारसंघातून खासदार अशोक नेते यांना पुन्हा संधी देण्यात आलीय. तसंच भंडारा-गोंदिया लोकसभा मतदार संघासाठी खासदार सुनील मेंढे यांनाही पुन्हा उमेदवारी जाहीर करण्यात आलीय. तसंच हिमाचलच्या मंडी मतदारसंघात अभिनेत्री कंगना रनौत भाजपकडून लोकसभा निवडणुकीच्या रिंगणात उतरणार आहे. तर मेरठमधून अरुण गोवील आणि सुलतानपूरमधून मनेका गांधी यांना भाजपने उमेदवारी दिली आहे.
लोकसभा निवडणुकीची उमेदवारी जाहीर झाल्यानंतर कंगना रनौतने ट्वीट करत म्हटलंय, भारतीय जनता पक्षाने मला नेहमीच सहकार्य केलं आहे. भाजपच्या राष्ट्रीय समितीकडून मला लोकसभेची उमेदवारी जाहीर करण्यात आलीय. माझे जन्मस्थान हिमचल प्रदेशच्या मंडी मतदारसंघातून मी लोकसभा निवडणूक लढणार आहे. भाजपमध्ये अधिकृतरित्या प्रवेश झाल्यामुळं मला आनंद झाला आहे. माझ्यासाठी ही अभिमानाची गोष्ट आहे. जनतेच्या सेवेसाठी आणि एक उत्तम कार्यकर्ता बनवण्यासाठी मी प्रयत्न करेन. धन्यवाद.
इथे पाहा भाजपच्या उमेदवारांची सविस्तर यादी