लक्ष्मण हाके यांच्या उपोषणाचा आज सातवा दिवस आहे. जालन्यातील वडीगोद्री येथे लक्ष्मण हाके उपोषण करत आहेत. ओबीसी आरक्षणाला धक्का लागू नये या मागणीसाठी लक्ष्मण हाके उपोषणाला बसले आहेत.

याच पार्श्वभूमीवर जालन्यातील अंबडमध्ये ओबीसी समाजाकडून बंदची हाक देण्यात आल्याची माहिती मिळत आहे. लक्ष्मण हाके यांच्या आंदोलनाला पाठिंबा देण्यासाठी हे आंदोलन करण्यात येत आहे.

या उपोषणाला पाठिंबा म्हणून आज अंबड शहरात कडकडीत बंद पाळण्यात येत आहे. तसेच आज धाराशिव येथे जिल्हाधिकारी कार्यालयासमोर दुपारी १२ वाजता ओबीसी समाजाच्या वतीने लाक्षणिक उपोषण करण्यात येणार आहे.