मनोज जरांगे पाटील यांनी विधानसभा निवडणुकीतून माघार घेतली आहे. त्यांच्या भूमिकेवर राजकीय वर्तुळातून प्रतिक्रिया येत आहेत.

याच पार्श्वभूमीवर आता बच्चू कडू म्हणाले की, निर्णय काय घेतला चूक की बरोबर नंतरची गोष्ट आहे. निर्णय घ्यायला वेळ खूप केला. त्याच्यामध्ये कार्यकर्त्यांचे मरण झालं. बऱ्याच कार्यकर्त्यांनी पैसे नसतानासुद्धा इकडून तिकडून आणून अर्ज भरला काही खर्च करुन ठेवला. आता अगदी वेळेवर त्यांना सांगितले गेले की, मी कुणालाही पाठिंबा देणार नाही.

एका जातीवर राजकारण होऊच शकत नाही आणि एका जातीवर कुणी राजकारण करु पण नये ते लोकशाही घातक आहे. जात आणि धर्म हा फॅक्टर राजकारणात कधी आणला नाही पाहिजे. असे बच्चू कडू म्हणाले.