सोमवारी घाटकोपरमध्ये एक मोठी दुर्घटना घडली. मुंबईत वादळी वाऱ्यामुळे घाटकोपरमध्ये पडलेल्या होर्डिंगमुळे 14 जणांचा मृत्यू झाला. या घटनेनंतर मुंबईतील घाटकोपरमध्ये पुणे पालिका अ‍ॅक्शनमोडवर आली आहे. पुणे शहरात 1 हजार 564 अनधिकृत होर्डिंगसवर पुणे महापालिकेने कारवाई केली आहे.

पुणे शहरात असलेल्या सर्व होर्डिंगचे ऑडिट करण्याचे आदेश पालिका आयुक्तांनी दिले आहेत. शहरात एकूण 2500 होर्डिंग्स आहेत. या सगळ्या होर्डिंग्सची माहिती घेण्याचे काम सुरू आहे. जर अनधिकृत असेल तर त्याचा परवाना रद्द करुन कारवाई केली जाणार आहे. जे नीट नाहीत आणि धोकादायक आहेत. त्यावर कारवाई करण्याचे देखील आदेश दिले आहेत.

शहरामध्ये अडीच हजार होर्डिंग्सला परवानगी आहे. मात्र तेवढेच होर्डिंग अनधिकृत आहेत. याची सगळी चौकशी करणं सुरु आहे. अनधिकृत असेल तर थेट गुन्हा दाखल करण्याचे आदेश दिले आहे. 2598 अधिकृत होर्डिंग्स आहेत. शहरात फक्त 85 अनधिकृत होर्डिंग्स आहेत. यात सर्वाधिक अनधिकृत होर्डिंग्स हडपसरमध्ये आहेत. 2300 होर्डिंग्सचे ऑडिट झाले आहे. त्यातील आतापर्यंत एकूण 1564 अनधिकृत होर्डिंग्सवर पुणे पालिकेने कारवाई केली आहे. येत्या काळात अनधिकृत होर्डिंगवर कारवाई करण्यात येणार आहे.