राज्यभरात अनेक दिवसांपासून दडी मारून बसलेल्या पावसाने अखेर तोंड वरती काढलं आहे. मागील ५ दिवसांपासून कोकण किनारपट्टीसह पश्चिम आणि उत्तर महाराष्ट्रात पावसाच्या सरी बरसायला सुरुवात झालीय.
आता पुढीत तीन तासात पश्चिम महाराष्ट्र आणि मराठवाड्यात देखील मध्यम पावसाच्या सरी बरसणार असल्याची माहिती हवामान विभागाने दिली आहे. यामध्ये नाशिक, धुळे, अहमदनगर, पुणे, औरंगाबाद, जालना, परभणी आणि बीड या जिल्ह्यांमध्ये हलक्या व मध्यम स्वरुपाच्या सरी कोसळू शकतात.