अमोल धर्माधिकारी | पुणे: नवरात्र सुरू असतानाच पुणेकरांच्या खिशाला कात्री लागली आहे. ऐन सणासुदीच्या काळात पुण्यामध्ये सीएनजीच्या किंमतीत तब्बल 4 रुपयांनी वाढ झाली आहे. त्यामुळे पुण्यात सीएनजीचा दर 87 वरून 91 रुपये झालाय. याचा सीएनजी वाहनधारकांना चांगलाच फटका बसणार आहे. मागच्या तीन महिन्यांचा विचार करता पुण्यात सीएनजी एकूण 6 रुपयांनी महागलाय.

सीएनजी दरवाढीमुळे सर्व गोष्टी महागणार:

जवळपास सर्वच व्यवसायांसाठी दळण-वळणाची साधनं गरजेची असतात. आता सीएनजीच्या दरात वाढ झाल्यानं प्रवासासह दळणवळणही महागणार आहे. त्यामुळे, प्रत्येक वस्तू व सेवा महागण्याची शक्यता आहे. परिणामी पुणेकरांना ऐन सणासुदीच्या काळात महागाईच्या चांगल्याच झळा सोसाव्या लागणार आहेत.