मुरबाडमध्ये शिवसेनेला मोठा धक्का बसला आहे. मुरबाड जिल्हाप्रमुख अरविंद मोरेंचा राजीनामा आहे. मुख्यमंत्री शिंदेंकडे हा राजीनामा पाठवलेला आहे. मोदींच्या सभेत स्टेजवर स्थान नसल्याने राजीनामा दिल्याची माहिती समोर आली आहे. मोदींच्या सभेआधीच राजीनामानाट्य या ठिकाणी रंगताना दिसत आहे. त्यामुळे आता कल्याणच्या राजकारणात मोठा ट्विस्ट पाहायला मिळाला आहे.
मोदींच्या सभेत मुरबाड जिल्हाप्रमुख अरविंद मोरे यांना स्टेजवर स्थान मिळालं नाही. त्यामुळे ते नाराज असल्याचं असं चर्चांना उधान आलं. या नाराजीतून अरविंद मोरे यांनी आपल्या पदाचा राजीनामा दिल्याची माहिती आहे.
शहरप्रमुख, आमदार, माजी आमदारांना स्टेजवर स्थान मिळालं. पण मला मात्र जणीवपूर्वक स्टेजवरून डावलल्याचा आरोप अरविंद मोरे यांनी केला आहे. पंतप्रधान मोदींच्या आगमनापूर्वी शिवसेना जिल्हा प्रमुखाचे मानअपमानाचं नाट्य सुरू असल्याचं कल्याणमध्ये दिसत आहे. मतदानाच्या 5 दिवसांअगोदर मोरेंनी राजीनामा दिल्यामुळे शिंदे गटाला मोठा धक्का मानला जात आहे.