मुंबई : गिरगावमधील पुंगालिया हाऊस कंपाऊंडमध्ये भीषण आग लागली. मध्यरात्रीच्या सुमारास ही घटना घडल्याचे समजत आहे. या आगीत 2 घरं, 10 दुचाकी आणि 7 कार जळून खाक झाल्या आहेत. सुदैवानं या आगीत कोणतीही जीवितहानी झालेली नाही.

गिरगाव येथील पुंगालिया हाऊस कंपाऊंडमध्ये मध्यरात्रीच्या सुमारास भीषण आग लागली होती. या आगीत दोन घरं, 10 दुचाकी आणि सात कार जळून खाक झाल्या आहेत. या घटनेची माहिती समजताच अग्निशामक दल व पोलिसांनी तातडीने घटनास्थळी धाव घेतली.

दोन तासांच्या प्रयत्नानंतर अग्निशमाक दलाच्या जवानांना आगीवर नियंत्रण मिळवण्यात यश आले आहे. सुदैवाने यामध्ये कोणतीही जीवितहानी झाली नाही. परंतु, कोट्यवधीच्या मालमत्तेचे आगीमुळं नुकसान झालं आहे. दरम्यान, फटाक्यांमुळेच ही आग लागल्याचा प्राथमिक अंदाज वर्तविण्यात येत आहे.