भारतरत्न डॉक्टर बाबासाहेब आंबेडकरांचा आज ६५ वा महापरिनिर्वाण दिन असून यानिमित्ताने सर्व अनुयायी दादरमधील चैत्यभूमीवर येत असतात. दरम्यान कोरोना संकट असल्याने मोठ्या प्रमाणात गर्दी करु नये असं आवाहन करण्यात आलं आहे. मात्र यावरुनच चैत्यभूमीवर नाराज कार्यकर्त्यांनी गोंधळ घातल्याने काही वेळासाठी तणाव निर्माण झाला होता. मात्र आता परिस्थिती नियंत्रणात आहे.

अनेक अनुयायी आदल्या दिवशीच दादरमध्ये येऊन थांबत असतात. मात्र यावेळी कोणत्याही सोयीसुविधा नसल्याने संतप्त अनुयायांनी गोंधळ घालण्यास सुरुवात केली. तसंच कोरोनाच्या पार्श्वभूमीवर अभिवादनासाठी आत प्रवेश दिला जात नसल्यानेही त्यांनी नाराजी व्यक्त केली.