Ujjwal Nikam Governor Bhagat Singh Koshyar : शिवसेनेचे बंडखोर नेते एकनाथ शिंदे (Eknath Shinde) हे आक्रमक झाले असून शिवसेना पक्षाविरोधात अधिक सक्रिय झाले आहेत. महाविकास आघाडीला सरकारसोबत राहायचे नसल्याने त्यांनी बंड केले. त्यांच्यासोबत 38 आमदार (समर्थन) असल्याचा दावा केला जात आहे. त्यांनी राज्यपाल भगतसिंग कोश्यारी (Governor Bhagat Singh Koshyari) यांनाही पत्र पाठवले आहे. या माध्यमातून महाविकास आघाडी सरकार त्यांनी पाठिंबा काढून घेत असल्याचे सांगितले आहे. शिवसेनेचे 39 तर शिंदेकडे 51 आमदार आहेत. सरकारला सत्तेत राहण्याचा अधिकार नाही, असेही ते म्हणाले. बंडखोरी झाल्यापासून आमच्याकडे बहुमत असल्याचा दावा ते करत आहेत. राज्यपालांना नुकतीच रुग्णालयातून डिस्चार्ज देण्यात आला आहे. आता राज्यपाल काय भूमिका घेतात याकडे सर्वांचे लक्ष लागले आहे. (supreme court Ujjwal Nikam comment Governor on eknath shinde)

तोपर्यंत राज्यातलं सरकार अल्पमतात आहे की नाही? सध्याच्या स्थितीत भाजप सरकार स्थापनेचा दावा करू शकते का? एकनाथ शिंदे गटाने पाठिंबा काढल्यावर काय होऊ शकतं, असे अनेक प्रश्न उपस्थित होत आहेत. यावर विशेष सरकारी वकील उज्वल निकम यांनी माहिती दिली आहे. मात्र मधल्या काळात भाजपने सत्ता स्थापनेचा दावा केला तर निश्चितपणे राज्यपाल काही निर्णय घेऊ शकतात. सरकार अस्तित्वात आहे की नाही, कारभार चालू होईल की नाही हे ठरवण्यासाठी राज्यपालांना घटनेनं पूर्ण अधिकार दिला आहे. विशेष अधिवेशन बोलवण्याचा आणि निर्णय घेण्याचा अधिकार त्यांना आहे. परंतु जर राज्यपालांनी तसं केलं तर याचिकेवर काय परिणाम होईल हे हे सांगता येत नाही. अस मत उज्वल निकम यांनी व्यक्त केले आहे.

1. विधानसभा भंग करणे म्हणजे काय?

विधानसभा बरखास्त झाली म्हणजे राज्यात नव्याने निवडणुका होतील. त्याला मध्यावधी निवडणूक असेही म्हणतात. घटनेच्या कलम १७४ (२) (बी) नुसार राज्यपाल विधानसभा भंग करू शकतात, मात्र त्यासाठी त्यांना मुख्यमंत्र्यांच्या सल्ल्याची आवश्यकता असेल. विधानसभा बरखास्त झाल्यास मध्यावधी निवडणुका हाच मार्ग उरतो.

2. विधानसभा भंग करण्याची मुख्यमंत्र्यांची विनंती राज्यपाल फेटाळू शकतात का?

विधानसभा बरखास्त करण्याची शिफारस करणारे पत्र मुख्यमंत्र्यांनी राज्यपालांना दिल्यास राज्यपालही ते नाकारू शकतात. सध्याची परिस्थिती पाहता राज्यपाल निर्णय घेतील. विरोधकांनी बहुमताचा दावा केल्यास, राज्यपाल त्यांना फ्लोर टेस्टसाठी आमंत्रित करू शकतात.

आजचा दिवस एकनाथ शिंदे गट आणि शिवसेनेसाठी महत्वाचा मानला जातोय. महाराष्ट्रातील राजकीय राडा सर्वोच्च न्यायालयात (Supreme Court) पोहोचला असून अवघ्या देशाच्या नजरा महाराष्ट्रावर लागल्या आहेत. कोर्टात सुनावणी सुरु असल्यानं एकनाथ शिंदे (Eknath Shinde) गटासाठी आणि मुख्यमंत्री उद्धव ठाकरे यांच्यासाठी आजचा दिवस महत्वाचा मानला जातोय. अशातच आता आमदारांच्या अपात्रतेबाबत कोणतीही कारवाई केली जाणार नाही असं आश्वासन उपाध्यक्षांची बाजू मांडणारे वकील धवन यांनी सांगितलं.